Сайн оюутнаа багш хүн мартдаггүй

-
Манай ангид философийн хичээлийг Д.Оюунгэрэл багш сар хүрэхгүй хугацаанд заасан юм. Заах хичээл их, хажуугаар нь эрдмийн ажлаа хамгаалах болсон шалтгаанаар өөр багшид даалгасан билээ. Философийн улсын олимпиадад найзууд маань түрүүлж, нэг семистрийн хичээл үр дүнгээ өгсөн юм. Нэг удаа сургуульдаа явж байгаад багштай тааралдтал Сайн уу гээд нэрээр маань дуудаж билээ. Цөөхөн удаа хичээл орсон ч, нэрийг маань тогтоосон байхыг сонсоод их баярлаж байсан. Тэгээд " хөөх та намайг мартаагүй юм уу? " гэхэд Багш хүн сайн оюутнаа хэзээ ч мартдаггүй гэсэн юм. Мөн нэг удаа МНВ тв-гээр  сургалтын тэтгэлэг авч гарахад багш үзээд, дараа нь надад зөв оюутандаа тэтгэлэг өгсөнд багш нь их баярласан гэсэн билээ. Сайн оюутнаа багш мартдаггүй юм бол, Сайн багшийгаа оюутан хэзээ ч мартахгүй ээ. 


2014/03/07

Comments

Post a Comment

Popular posts from this blog

Миний Өвөрмонгол найз

-
Image
Монгол Улсын Боловсролын Их Сургуульд магистрын зэрэг хүртэхээр манай ангид 60 гаруй оюутан суралцсан юм. Үүнээс эрэгтэй магистрант 6 байсны нэг нь Өвөрмонгол нутгаас зорьж ирэн суралцаж байгаа Б.Тамир юм. Б.Тамир Ангийн эрчүүдээс хамгийн түрүүнд надтай танил болж, холбогдох дугаараа солилцож хамт хоолонд орлоо. Бид хоёр ар, өвөр нутгийнхаа хэл ярианы онцлогийн талаар, соёлын ижил болон ялгаатай байгаа талаар уулзах бүрдээ ярилцдаг болов. Манай ээж, хөгшин ээжийн хэлдэг “Ул дээр” гэдэг үгийг Тамираа их ашиглана, энэ үгийг би ойлгож байгаа ч эхлээд, түрүүлж    зэрэг үгээр солигдож төдийлөн хэрэглэгдэхгүй мартагдаж байгаа үг мэт. Бүдүүн дарга гэдэг үг ар монголчуудын хэллэгээр бол өндөр хэргэм, албан тушаалтай хүнийг хэлдэг юм байна. Тамираа намайг Бүдүүн дарга болоорой гэж ерөөсөн  билээ.  Б.Тамир бид хоёр цайны газар орж хуушуур авч идсэн юм, бид хоёрын хажууд хоёр Солонгос хүн хоол идэж байв, Тамираа хоёр Солонгос хүний зүг заагаад Энэ хоёр корео юу? гэх шиг боллоо....
Read more

Санаандгүй гаргасан алдаа уучлагддаг

-
Би оюутан байхдаа Боловсролын их сургуулийн автобусны буудал дээр автобус хүлээж зогсож байгаад хойшоогоо алхах гэтэл нэг охины гутал дээр гишгэж, гутлын мөрөө тэр охины элгэн гутал дээр гаргачихсан юм. Тэр охин болгоомжтой явахад яадаг юм гэж уурлаж, би ч нэлээд сандарсан юм. Надад тэр үед гутлын алчуур байгаагүй ч карманд байсан сальфитекаа гутлаа арчаарай гээд өглөө. Гутлаа гишгүүлсэн охин надад “баярлалаа” гэж хэлсэн юм. Зарим үед санаандгүй гаргасан алдаандаа, зөв уучлалт гуйвал уурлуулж биш баярлуулж болдог л юм байна.    /тэмдэглэлийн дэвтрээс/ 2012.11.16
Read more