Ээжийн босгосон шон одоо ч унасан байх даа

-
Ээжтэй утсаар ярьлаа. Үхэр малаа маллаад завгүй байгаа тухайгаа ярьж байна. Үхэртээ гараар ус зөөж өгдөг, мөн өвс өгөх, тэжээл зуурч өгөх гээд үхэр малдаа их анхаарч, хүйтэн өвлийн эрчтэй хүйтнийг давахаар зүтгэж байгаа гэнэ. Өвлийн хүйтэнд үхрийн хашааны нэг шон унаж үхрээ хашиж болохоо байжээ. Ээж гэртээ ганцаараа байгаа болохлоор тэр унасан шонг нь хамт босгож өгөх хүн байхгүй. Тиймээс ээжийн олсон мэргэн арга бол өвлийн хүйтнийг ашиглаж унасан шонг тэгшилж байгаад ус хийгээд хөлдөөчихжээ. Хөлдүү мөс шонг хөдөлгөөнгүй болгож хашаагаа засаж авчээ. Өнөөдөр ээжтэйгээ утсаар ярьлаа. Хавар болоод тэнгэр хангай дулаахан сайхан байна гэж ээж ярьлаа. Ээжийн ухаанаа гаргаж босгосон шон одоо унасан байх даа.

2016.04.05

Comments

Post a Comment

Popular posts from this blog

Миний Өвөрмонгол найз

-
Image
Монгол Улсын Боловсролын Их Сургуульд магистрын зэрэг хүртэхээр манай ангид 60 гаруй оюутан суралцсан юм. Үүнээс эрэгтэй магистрант 6 байсны нэг нь Өвөрмонгол нутгаас зорьж ирэн суралцаж байгаа Б.Тамир юм. Б.Тамир Ангийн эрчүүдээс хамгийн түрүүнд надтай танил болж, холбогдох дугаараа солилцож хамт хоолонд орлоо. Бид хоёр ар, өвөр нутгийнхаа хэл ярианы онцлогийн талаар, соёлын ижил болон ялгаатай байгаа талаар уулзах бүрдээ ярилцдаг болов. Манай ээж, хөгшин ээжийн хэлдэг “Ул дээр” гэдэг үгийг Тамираа их ашиглана, энэ үгийг би ойлгож байгаа ч эхлээд, түрүүлж    зэрэг үгээр солигдож төдийлөн хэрэглэгдэхгүй мартагдаж байгаа үг мэт. Бүдүүн дарга гэдэг үг ар монголчуудын хэллэгээр бол өндөр хэргэм, албан тушаалтай хүнийг хэлдэг юм байна. Тамираа намайг Бүдүүн дарга болоорой гэж ерөөсөн  билээ.  Б.Тамир бид хоёр цайны газар орж хуушуур авч идсэн юм, бид хоёрын хажууд хоёр Солонгос хүн хоол идэж байв, Тамираа хоёр Солонгос хүний зүг заагаад Энэ хоёр корео юу? гэх шиг боллоо....
Read more

Санаандгүй гаргасан алдаа уучлагддаг

-
Би оюутан байхдаа Боловсролын их сургуулийн автобусны буудал дээр автобус хүлээж зогсож байгаад хойшоогоо алхах гэтэл нэг охины гутал дээр гишгэж, гутлын мөрөө тэр охины элгэн гутал дээр гаргачихсан юм. Тэр охин болгоомжтой явахад яадаг юм гэж уурлаж, би ч нэлээд сандарсан юм. Надад тэр үед гутлын алчуур байгаагүй ч карманд байсан сальфитекаа гутлаа арчаарай гээд өглөө. Гутлаа гишгүүлсэн охин надад “баярлалаа” гэж хэлсэн юм. Зарим үед санаандгүй гаргасан алдаандаа, зөв уучлалт гуйвал уурлуулж биш баярлуулж болдог л юм байна.    /тэмдэглэлийн дэвтрээс/ 2012.11.16
Read more